Generalforsamling 2014 - 20 årsjubileum

I 1994 blei Barlia Fotballklubb stifta. Dette blei feira på beste måte med Generalforsamling/20 årsjubileumsfest etter at Nattcup 2014 var avslutta i Strandahallen lørdag 4. januar. Heile 18 programinnlag stod på tapetet denne kvelden, og festen blei opna av sjølvaste Bård Tufte Johansen.

Det var Harald Eia som opna Barlia Fotballklubb sitt 10 årsjubileum i 2004. Ti år etter tok altså Bård Tufte Johansen over stafettpinnen og opna 20 årsfesten med beskjed om at det kun er Atle Antonsen som kan opne 30 årsfesten om ti år. Det var fleire kjendisar som ville gratulere jubilanten, og gratulasjonane kan du høre under.

>>>HØR Bård Tufte Johansen opne festen.

>>>HØR Davy Wathne sin gratulasjonsmelding.

>>>HØR Ivar Morten Nordmark gratulere BFK.

>>>HØR Jan Ove Tryggestad sin gratulasjon.

Den årlege innveginga viste at gjennomsnittsvekta på laget er høgare enn nokon gong. I 2013 var gjennomsnittet i Barlia Fotballklubb 90,54 kilo, og i 2014 har talet auka til 91,38. Det var ingen grunn til å deppe over tala, så då var det berre å sette seg til bords og innta den tradisjonsrike stroganoff-gryta a la Barlia.

Odd Sveinung sin takk for maten-tale oppsummerte laget og maten i ett. Kvar person i klubben vart ein ingrediens i retten. Djupt og rørande frå unge Hareide. Odd Sveinung kunne også informere om jubileumsturen klubben skal gjennomføre i mai. Han er reiseleiar når Barlia Fotballklubb vender nasen mot London der vi blant anna skal både skal sjå og sjølv spele fotball. Dette gler vi oss enormt til. Hans Martin fulgte opp med å lese Ronny Ødegård sitt gratulasjonstelegram:

>>>Les telegrammet frå Ronny her.

                       

Utdeling av prisar

For at en fotballklubb skal henge saman må den fungere på mange plan. Prisen 20 års hederspris ville framheve ein person som har stått på for klubben heilt sidan starten. Når det gjeld mat, transport og overnatting har prisvinnaren vore uvurderleg for klubben. Samtlege i Barlia Fotballklubb takkar deg Margot for alt du har gjort for oss.

Det var tid for å avsløre kven som skulle bli Årets spelar (prisen er også kjent som Årets sjampis). Det er spelarane sjølv som bestemmer kven som skal vinne via avstemning. Vinnaren frå 2012 slo til igjen og Alexander vann prisen og kunne sprette champisen med sine 31 poeng. Han vann med minst muleg margin, for Hans Martin tok andreplassen med 30 poeng. Joakim R. fekk, for andre året på rad, Årets kaktus med beskjed om å skjerpe seg til neste år. Les meir om kåringa her.
 


          Årets Sjampis - Årets Spelar
2014: Alexander Græsdal 
        
Årets Kaktus - Årets Skjerpings 2014: Joakim Relling
       

Verdspremiere og dansefilm
Klokka 22.00 var det klart for verdspremiere i kjellarstua i Barlia 45. Barlia Fotballklubb sin nye klubbsong "Barlia" hadde fått musikkvideo. Sangen blei lansert før jul, men videoen hadde ingen sett før. Musikkvideoen blei også lagt ut på youtube og hadde fleire hundre treff berre etter kort tid.

Enda ein film skulle sjå dagens lys under festen. Torgeir hadde brukt store delar av juleferien på å lage ein dansefilm til Darf Punk og Pharrel Williams sin Get lucky. Ein fantastisk film og ein fabelaktig innsats av Torgeir gjorde sitt til at youtube-klikka strøymde på frå første sekund. Det er vert å sjekke ut denne youtube-linken.

Etter at den festlege gjengen hadde fått eit gjenhør med sin eigen Minttu-sang var det klart for Adjunkt Dørums Band. Røyken låg tjukk i lokalet då gutane hamra laus på trommer og gitar. Nok ei super forestilling frå dei to yngste på laget med blant anna framføring av diktet "Det vil skje" og allsong av hiten "Fra bar til bar til Barlia".

Etterkvart var vi over i den meir uformelle delen av programmet, og det var fleire som hadde innslag på sparket utan at vi skal komme nærmare inn på det her. Det vart ein svært kjekt jubileumsfest som blei avslutta med tur til Stranda hotell og mingling med resten av Nattcup-laga.

Vi ser fram til jubileumstur til England i mai. 
 





 


Tradisjonsmat i Barlia 45.


Foring.


Takk for maten-taleren.


20 års-hedersprisen gjekk til Margot.


Spenninga blir utløyst om kven som vinn prisen
Årets spelar 2014.


Alexander har nettopp blitt Årets spelar 2014.


Det blei ein meget populær vinnar.


Joakim R. "stakk av" med prisen Årets kaktus.


Karane klar for verdspremiere.


Hans Martin med riverdance-innslag.


Adjunkt Dørums Band i aksjon.


"Fra bar til bra til Barlia".


Allsang!