I samband med Nattcup
2006, var det laurdag 7. januar 2006 kl 20.00
klart for Generalforsamling i Barlia Fotballklubb. Som vanleg var det
Møteplassen i Stranda sentrum som var samlingstad for klubben, før vi
tok turen til Stranda hotell. (Bilder nederst på sida).
I år hadde BFK ståande ein del pengar på konto, og det blei derfor
spandert middag på alle i klubben, 46 av 52 stk deltok. (Takk til Coop Mega Stranda som laga
ein knallgod lasagne med salat og brød). Kveldens programleiarar, Bjørnar
og Torgeir, losa oss stødig gjennom eit moro program, der det først vart
servert ein variert og artig BFK-quiz,
deretter var det tid for prisutdelingar, og her er prisvinnarane:
(Les
og sjå meir om prisvinnarane her).
Toppscorarar
for 2005: Espen og Håkon (11 mål kvar). Gåve:
Diplomar og namnam.
Årets prestasjon: Aril (Spelte stort og blei Årets spelar på Nattcup 2006). Gåve:
Snus og diplom.
Årets bleieskiftarbeider: Monika (Gratulerer Monika og Knut Harald!). Gåve:
Bleier og dipolm.
Årets muskelmann: Torgeir (Den treningsvillige FK Barlia-spelaren pumpar så
ofte han kan). Gåve:
New Energy og Powerade.
Årets sløving: Martin (BFKs åndelige veileder tek dagane roleg). Gåve:
10 par sokkar og ein Britney-singel, samt diplom.
Årets matros: Nils Erik (Etter fadesen i Bergen, fekk marinen ein ny
maskot). Gåve:
Matroshatt og diplom.
Aril og Håkon var ikkje til stades på Generalforsamlinga 2006,
men resten av prisvinnarane mottok premiane sine i eigen person.
Etter prisutdelinga var det tid for
konkurranse. Torgeir og Bjørnar ropte opp følgande personar: Hege,
Joakim R., Odd S., Merete, Stine, Thoro, Espen og Anders F.
Konkurransen gjekk ut på at desse åtte seg imellom skulle finne ein
partner og kline med, den som klina heftigast i løpet av 2 minutt vart
vinnaren. Publikum var dommar, der "hyllest-metoden" var måleeininga.
Det enda slik: (Tipp kven som vann??)
Etter
at krampelatteren hadde lagt seg, var det tid for film.
Hellevik-company hadde mekka ein film frå Nattcup 2006, og
programleiar-paret følgte på med ein dansefilm frå Casa del Sørå,
våren 2005, eit trist syn for dansehistoria.
Folk var i siget, og etter at Jon David hadde delt ut
Innsatsprisen for Nattcup 2006 til alle spelarane på BFK
Bedrift, som var dagskort på Stranda skisenter, var det Odd
Sveinung sin tur med takk for maten-tale, der han også
reklamerte for den fantastiske vinen "Casa del Sørå".
Thoro følgte opp fjorårets tale med "Traktorhistioria", Hans
Martin drog han endå lenger, og tok opp igjen tråden der han
slapp i fjor.
Ein
liten smakebit av Hans Martin sin tale finn du ved å trykke play
i ruta til høgre.
Stemninga var i taket, og dei 60-70 gjestane på Møteplassen tok
turen til Stranda hotell, som allereie var smekkfullt. I fjor
vann BFK dansegolvet, men i år var konkurransen mykje hardare.
Sjølv om BFK ropte høgast, var både Prim og Shadwell i fleirtal.
(Prim vann turneringa fullt fortjent i år, Barlia Fotballklubb
gratulerer!)
Ei kanonbra turnering med fest var gjennomført. Ekstra kred til
Nattcup-styret, alt gjekk knirkefritt! Her er nokre bilder frå
Generalforsamlinga, samt festen på hotellet etterpå, snakkast
neste år: