Nupen møter... Brynjulf Frøysa -
28.12.2012
Då er turen komen til det andre offeret i intervjurunden. Denne
gongen er ingen ringare enn ein av veteranane i klubben, Brynjulf
Frøysa. Mannen med fleire kallenavn enn der er lag på Nattcup!
Det er jo snart Nattcup, årets høgdepunkt, og redaksjonen er spent
på forma til vår alles trucker?
Forma er som vanleg spissa inn mot årets (strengt tatt einaste)
sportslege høgdepunkt. I kva grad dette vil gi utslag på parketten er
likevel meir uviss. Så lenge eg klarer meir speletid enn årets
programleiar samt scorar eit mål eller to mot Kappa i kjent stil så får
det være godkjent!
Det er jo eit par nye ansikt på laget i år. Har du nokon forventningar
til Torjus og Kåre Martin?
Det må være lov å stille store forventningar til begge to med tanke
på bakgrunnen deira og det faktum at Barlia F.K ikkje hentar inn kva som
helst. Her har klubben gjort ein god jobb som det vil bli hausta frukter
av i løpet av cupen! At Torjus har levd det gode liv i Geiranger i
periodar får vi håpe ikkje har satt han for mykje tilbake, medan rykta
frå sikre kilder skal ha det til at det ikkje er noko å frykte på forma
til fortsatt lovande og evigunge comeback-kid Ringset.
Vi forventa jo i år, som dei fleste tidligere år, at Hans Martin kjem i
sitt livs form. Ser du for deg Homlongen på årets lag?
Hanse-mann leverar jamt og trutt kvart år, like sikkert som at
Mintu-eimen legg seg tjukk i nr. 45 og at vår kjære elektrikar blir
årets spelar. Men dessverre, Hans Martin når nok ikkje heilt opp til
årets lag trass solid innsats. Er redd husbygging har hatt sin pris i
år, men håpar sjølvsagt å bli motbevist! Har i år meir trua på unge Hoff
som ein runner-up som kan snuse på ein slik plass. Så slepen teknikk og
kropp bygd for små flater skal ein leite lenge etter!
Dine forventningar til kem som kjem på årets lag? Og som blir årets
spelar?
For vår eigen del, enkelt! Græs og Græs! Andre lags spelarar her eg
for liten kjennskap til å kunne utpeike som klare kandidatar til å komme
på årets lag, men både Kappa Nova, Prim og Los Caballeros bør kunne ha
representantar inne i det gode selskap.
Til slutt, har du nokon ord til alle våre lesera?
Ei riktig god jul til alle, så sjåast vi forhåpentlegvis til dyst og
lystig lag første helga i januar!
|