Bak
dagens juleluke finn vi
Panzer Fotball.
Panzergjengen finn vi på 34. plass på
maratontabellen. Anders Tronstad har ordet.
1. Korleis er ståda i klubben om dagen? (skader? nokon som er i
troll-form? osb) Ståda kunne knapt vore
betre i klubblokala til Panzer om dagen. Klubben og
stallen har fått ein ny giv, med nye fjonge drakter
frå tekstil-leverandøren Nike og ei Facebook-gruppe
som er så aktiv at mobilen pip for notifications i
eit sett. Fleire av oss har til og med byrja med
futsal! Iver Krohn og Martin Espelund (begge på
årets lag ved førre turnering) er no henholdsvis
fotballinvalid og skiløpar, så dei blir vekke, men
vi er trygge på at vi har funne gode substitutt.
2. Kva er målsettinga dykkar for Nattcup 2012?
Målsettinga er å levere ei
minst like god turnering som dei to føregåande åra
vi har delteke: Kvartfinale. Vågalt, all den tid vi
ikkje har ei skikkeleg keeper-løysning pr. dags dato
(I skrivande stund 8. november), men det er viktig å
gå ut høgt.
3. Kven kjem til å være den framtredande spelaren (på eller utanfor
bana?), evt. joker, på laget dykkar under Nattcup?
Når det kjem til spelarar
ein skal sjå opp for, så er det vanskeleg å kome
utanom ein revitalisert Nicolai Græsdal. Mannen har
gått ned 40 kg (!) og har spelt regelmessig futsal i
heile vinter, så her stillast det skyhøge krav frå
omgivnadane. Elles så er det alltid knytt spaning
til Yngve Midthjell og kva forfatning han er i. Ein
parkett-virtuos (I si tid krinsmeistar innandørs
saman med Gunnar Espelund for Stranda) som vi kun
høyrer frå ein gong i året, og det er under nattcup.
Sist gong vi stilte fekk han raudt kort i ein amper
kvartfinale mot Vestnes Futsal, og der enda også
ferda våra. Viktig mann!
4. Kva skjer etter at ballen er lagt dø og lyset er slokt i Strandahallen?
Då tek mest truleg Nicolai
Græsdal seg ein proteinshake og ei skive
lavkarbobrød med cottage cheese og avokado, før vi
sett kursen for det slitte gjestgiveriet ved
lakeseelvas bredder. Der blir det mest truleg å
finne ei tilbaketrukke rolle i baren, der vi,
akkurat passe elitisk og hipster-aktig, skal hovere
over eurodancen som blir spelt i "dænsingen".
5. Avslutning. (rask kommentar? julehelsing? truslar? ris? ros? evt
anbefalte linkar osb) Åtvaring gjeng ut
til Hoggorm, som på mange måtar er vår dikotom i
Nattcup-landskapet: Der dei stiller med herda
3.div-spelarar, folk med kampar i 1.div for Hødd og
fabelaktige sveisar, så stiller vi med folk med 30
a-kampar for Stranda, ferdigspelt karriere, keisame
ingeniørjobbar og ruskete sveis. Vi vonar at vi
treffast på parketten, og at vi kan syne at
kollektivisme vil slå individualisme! Ha elles ei
god jul, og ein stor takk rettast til dei som tek på
seg å organisere dette. |