Ein av nykommarane i
fjor var
FC Walkover. Gutane frå
Stranda og omegn tok publikum med storm, og har, i følge Eivind Rønneberg,
ingen planar om å slutte som publikumsfrieria.
1. Korleis er ståda i klubben om dagen?
(skader? nokon som er i
troll-form? osb)
Ståda er faktisk heilt fantastisk. Alle
har sjølvsagt slutta å trene for å bli mest mogleg klar. Bjørn Olav,
eller meir kjend som Bade-Bjørn har òg flytta til Ghana. Der har han
gjort musikalsk karriere noko som vi skal utnytte på bana. Vi
arbeidar faktisk i skrivande stund på vår musikkvideo òg.
Ja, kanskje litt sportsleg òg: Ruben arbeidar som kokk, difor
et han heile tida dei mest fantastiske rettane som er å oppdrive.
Dette medfører sjølvsagt til auka vekt, noko som vi skal utnytte.
Han kan kanskje dekkje heile målet under Nattcup 2008? Magnus
"Penta" Maråk har òg trappa opp bananetinga, så vi reknar med at han
skal vere den med best apeform. Einaste han manglar er vel eigentleg
meir hår sidan han lid av ei sein utvikling. Men, vi skal ikkje
flire, han er gjennomsnittleg i følgje Noreg sine tal.
2. Kva er målsettinga dykkar for Nattcup 2008?
Vår målsetjing er vel den same som kvart
år. Ta publikum med storm og bringe fram mest mogleg latter og
hånflir. Vi vil prøve å score mål i år òg. Elles så kan vi røpe at
vi har ein del triks for å få publikum på vår side som mest truleg
ALDRI har blitt utført på ein nattcup før. Vent og sjå.
3. Kven kjem til å være den framtredande spelaren (på eller utanfor
bana?),
evt. joker, på laget dykkar under Nattcup?
Om vi skal henge fram nokon som
framtredande eller ikkje er mildt sagt vanskelig. Vi er alle
framtredande på vår eigne sære måte. Om dette blir positivt på bana
eller endar opp som rot som alltid, er ikkje lett å seie. Vi har
nemlig den taktikken at taktikken kjem av seg sjølv. Det er òg
vanskelig og skaffe oss ein taktikk som fungerar med eit lag
fullspekka med motsetnader: Vi har sosialistar, FRP-arar, satanistar,
gi-faen-nistar, dendrofile (Les: Penta) osv.
Jokeren i år blir vel Anders som no går ei form for sosiologi-linje
på NTNU. No skal han lese motstandarane som aldri før.
4. Kva skjer etter at ballen er lagt dø og lyset er slokt i Strandahallen?
Då skal vi ha trening i kjend Harry
Hovde-stil. Vi skal springe gjennom alle brøytekantar og opp alle
fjelltoppar. Og når vi er ferdig og luktar daud grevling, skal vi på
hotellet. Dette for å spreie god stemning og slik at det kanskje
blir lettare å bestille noko i baren.
5. Avslutning.
(rask kommentar? julehelsing? truslar? ris? ros? evt
anbefalte linkar osb)
Vi vonar at alle som kan kjem og ser oss
spele i år. Dykk kan som alltid forvente mykje moro, og sjølvsagt er
maskoten på plass.
Vi vil sjølvsagt at alle stikk innom
www.fcwalkover.com og les seriøse artiklar som kjem til
stadigheiter. Vi har òg tenkt kanskje å legge ut alle våre svake
sider, slik at motstandarane kan lettare ta oss.
Vil sjølvsagt sende hugleik til Sørå som har denne fjonge
julekalenderen.
Fred ut, FC Walkover. |