Publikumsfavorittane
BFK Bedrift er i
dag under lupen, og det er forsvarassjef og bandleder Nils Einar
Ringstad som orienterer.
1. Korleis er ståda i klubben om dagen?
(skader? nokon som er i
troll-form? osb)
Etter tapet av ein midtbanestrateg av
internasjonal klasse, ein lovande tamburin-spelar og ein god kamerat
er BFK Bedrift framleis litt handlingslamma, men stiller med friskt
mot og sørgeband på nattcupen. Det ligg an til harde treningsøkter i
romjula for å komme oss opp på eit akseptabelt dårlig nivå.
Underteikna skal tilbringe nattcup-helga i Tyskland, og vil derfor
fokusere på kåntringsanalyser og kosthold på romjulstreningane. Når
det kjem til skader er som vanlig Bedrift skadefrie, mykje pga det
lave aktivitetsnivået og nærmast fråværande kamperfaringa.
2. Kva er målsettinga dykkar for Nattcup 2008?
Målsetjinga (ikkje visjon, verdivisjon
eller verdidelmål) for nattcupen blir å få vår første seier, eller i
det minste eit mål. Vi veit at denne målsetjingane kan verke noko
ambisiøs sidan dei fleste kjenner til statistikkane våre.
3. Kven kjem til å være den framtredande spelaren (på eller utanfor
bana?),
evt. joker, på laget dykkar under Nattcup?
Den store jokeren i årets
nattcup-turnering blir nok den nyinnkjøpte indreløperen Martin
Dilbert Sylte som har glitra med sitt fråvær på fotballbana siste 15
år. Fotballguru Ronny Ødegård sei i ein kommentar: "Martin Sylte
vert større enn Ole Magnar Kjølås nokon gong var!". Vi gler oss.
4. Kva skjer etter at ballen er lagt dø og lyset er slokt i Strandahallen?
Etter at vi er ute av innledande
gruppespel sitt vi vel på tribuna og køyrer litt stand-up i
benkeradene slik vi plar. Deretter blir vel festen på Møteplassen
eit høgdepunkt, sjølv om Bedrifters mest sannsynlegvis ikkje stiller
sidan vi har mista tamburinspelaren vår og kapellmeister Ringstad er
i Tyskland.
5. Avslutning.
(rask kommentar? julehelsing? truslar? ris? ros? evt
anbefalte linkar osb)
Ønsker alle lykke til på Nattcupen og
oppfordrar til fair play, dykk må huske at Bedrift ikkje har samme
forutsetningar som alle andre for å få dette til. Så gi oss ein
sjanse, slepp inn eit par baklengs slik at vi kan føle oss som menn
etterpå. LYKKE TIL! |
